БН АЗС упрыгожылі АЗС карцінамі сучасных беларускіх мастакоў!

На мінулым тыдні стартаваў прыгожы творчы праект «Арт-запраўка»: БН АЗС сумесна з Нацыянальным цэнтрам сучасных мастацтваў размясцілі карціны 15 беларускіх сучасных аўтараў, такіх як Леанід Шчамялёў, Раман Заслонаў, Уладзімір Тоўсцік, Ганна Сілівончык, Васіль Касцючэнка.

Прадстаўляючы праект, дырэктар БН АЗС Ганна Красоўская ўдакладніла, што кампанія хацела дадаць цяпла і святла ў наша жыццё. Сапраўды, сёння мы жывем у шпаркіх хуткасцях, але наша жыццё не заўсёды поўнае яркіх фарбаў. Менавіта таму сучаснае мастацтва даўно перасягнула парог музеяў і галерэй і выйшла на вуліцы.

Цяпер 46 карцін можна ўбачыць і на 6 аўтазапраўках:

-АЗС №2 Мінскі р-н, Баравая, 7;

-АЗС №6 вул. Харкаўская, 81;

-АЗС №15 вул. Прамысловая, 2Б (МКАД);

-АЗС №23 вул. Казіміраўская, 39 (МКАД);

-АЗС №25 а/г Сеніца, вул. Зялёная;

-АЗС №31 вул. Акадэмічная, 34.

«Маштабны праект «Арт-запраўка», рэалізаваны пры падтрымцы НЦСІ, стаў лагічным працягам: ён прадастаўляе кругласутачны свабодны доступ да экспазіцыі для ўсіх жадаючых. Упэўненыя, нам удасца прыемна здзівіць мінчан і гасцей горада, а найбуйнейшыя АЗС сеткі стануць у гэтым сезоне сапраўдным упрыгожваннем сталіцы!»- пракаментавала Ганна Красоўская.

Праект «Арт-запраўка» будзе доўжыцца да восені. У вас ёсць шмат часу, каб заехаць на кожную АЗС, выпіць смачнай кавы і палюбавацца карцінамі сучасных беларускіх мастакоў.